Fortuner

First written by Mabrouk and 1 others, on ثلاثاء, 2022/10/25 - 6:19م, and has been viewed by 2596 unique users

دي مقالة من مصريين مالكي لسيارات فورتشنر ويتقنوا التعديلات للسفر والسفاري (وتعديلات قيادة الوعر offroading).

المدارس تتعدد وحتظهر طرق وحلول مختلفة بل ومتناقضة لنفس المشكلة فلا تقلق. لو مصري بتفهم في الفورتشنر وتعديلاتها للطرق الوعرة دور على "محمد مبروك" وابعتله يضيفك على جروبات المناقشة اللي بتفهم ومنهم ناس بتضيف هنا في المقالة دي. الكتابة هنا بالعامية المصري للتبسيط.

تويوتا فورتشنر هي نجمة من نجوم القيادة على الطرق الوعرة في مصر. الفورتشنر ورثت التحمل الأسطوري الرائع لسيارة هايلوكس، واعتمادية مواتير وسيارات تويوتا اللي تضمنها مليون كيلو، وتجربة القيادة على الطرق الوعرة لسيارة لاند كروزر الرائعة، وراحة التصاميم اليابانية.

إيجابيات وسلبيات تويوتا فورتشنر كما تم اختبارها في الطرق الوعرة المصرية

ايجابيات سلبيات
  • اعتمادية هائلة (كعادة اللاند كروزر واعتمادية اسطورية لدرجة لا تحتاج صيانة لو بتغير الزيت وتعمل الصيانة في معادها)

  • فتيس (ناقل حركة) جيد يعطي قوة (عزم = torque) جيد حتى لمحرك 4 أسطوانات.

  • سيارة عائلية جدا. بسبع كراسي كلهم بحاملي كبايات وشنطة معقولة ومكان لشبكة كمان فوق. باضافة مخارج صغيرة لشواحن usb ستكون في منتهى الراحة لكل العائلة.

  • الإلكترونيات الزيادة قوي اللي بتعطل مش موجودة زى ما في الأمريكاني من طرازات Cherokees و GCs المتطورة للغاية.

  • عدم وجود الESP (أو VSC في الياباني) له وجهان سلبي وايجابي في نفس الوقت.
    من حسن الحظ فان وجودها الالزامي في سيارات القيادة الوعرة offroading يتسبب في مشاكل كثيرة في القيادة لا توجد في الموديل الفورتشنر المصري القديم فلا تحتاج للخوف منه.

  • الفرامل تتميز ب ABS و EBD وبشكل عيوبه قليلة.

  • كبيرة بشكل مريح من الداخل مع مكيف هواء جيد لا يستنزف الطاقة بشكل كبير وبتلاجتين واحدة للتسقيع الكراسي الأمامية وتلاجة أخرى للكنبتين الخلفيتين.

  • مع كل موديل جديد تزداد جدية في امكانيات القيادة الوعرة، بينما على العكس تتجه سيارات أمريكاني كثيرة مثل الشيروكي أكثر فأكثر نحو سيارات الكروس أوفر الفاخرة بعد XJ ثم KJ وما بعدها وبشكل تقل فيه جدية وصعوبة التعديلات لجعلها سيارات أكثر تحملا للقيادة الوعرة.

  • الفورتشنر ملهاش (الى حد ما) قطع تعديلات جاهزة after-market لو قارنتها بالأمريكاني وبالتحديد في فئة قريبة زي JK من الWranglers الخ.

  • الموديل المصري يحتاج إلى قطع أخرى مهمة للقيادة الوعرة مثل أقفال-التروس diff-locks الخلفي كمثال بسيط. القطعة نفسها غير موجودة في التوكيل المصري وتحتاج (كأبسك مثال) لتغيير الدفرنسيال بالكامل solid-axle من أنواع غير مصرية لها أقفال-تروس differential locks.

  • التصميمات الداخلية للفرش أقل بكثير من الشيروكي وحتى رانجلرز والتابلوه والعدادات فقيرة الى حد ما بالمقارنة حتى بعد التساوي في السعر.

  • عدم وجود الESP (أو VSC في الياباني) له وجهان سلبي وايجابي في نفس الوقت.

  • من سوء الحظ مافيهاش ESP وهو من أساسيات الأمان للقيادة على الطرق الأسفلتية (بشكل يمنع غلطات الoversteering أو الundersteering اللي ممكن تسبب انقلاب السيارة على الطريق أو خروجها عن الطريق في بعض الحالات. 

  • من عيوب الABS ان برمجته في الموديل القديم المصري فيها بعض الضعف وعليها ملاحظات كثيرة من قائدي ياباني وأمريكاني.

الفورتشنر المصرية وموديلاتها

فورتشنر في مصر لها موتورين (بفتايس مختلفة):

  1. بستة اسطوانات (4000 سم مكعب)
  2. مع 4 اسطوانات (2700 سم مكعب)

من موديل 2013 لغاية موديل 2018:

  • لا تصدر وفيها VSC (المعروف أيضا باسم ESP أو ESC)
  • فيها ABS و EBD
  • AWD (دفع بجميع العجلات) فهي دفع رباعي دائما ولا يمكن انزالها الى جر أمامي أو جر خلفي بعجلتين فقط.
  • فيها 4H و 4L
  • لا يوجد قفل-تروس diff-lock خلفي أو أمامي. فقط قفل-تروس مركزي في علبة تروس الفتيس

بداية من موديل ٢٠١٨ ظهر حاجات جديدة:

  1. فتيس استريبترونك ٦ نقلات مع وجود shifters للتحكم في النقلات في عجلة القيادة.
  2. السيارة تكون دائماً في وضع الدفع الخلفة ويمكن التحويل ل H4 أو L4 كهربائياً بأستخدام بكرة في تابلوه السيارة.
  3. نظام ذكي لدخول وتشغيل السيارة (بصمة).
  4. إمكانية إيقاف وتشغيل ال traction control بشكل جزئي أو كامل. أضغط ضغطة واحدة أثناء تحرك السيارة أو وهي متوقفة على زر traction  للإقاف أو التشغيل وستظهر كلمة traction off/on على شاشة التابلوه. في حالة الرغبة في إقافه بشكل كامل (عند القيادة في الصحراء) لابد أن توقف السيارة ويكون الفتيس على الوضع N وأضغط على زر Traction ضغطة طويلة لمدة ١٠ ثواني، وستظهر كلمة traction off على شاشة التابلوه بالإضافة ستضاء لمبة ال traction في التابلوه.
  5. إذا كنت مثبت ARB inborad twin head compressor يمكنك إضافة نظام ARB Air Locker وهو يأدي نفس وظيفة ال rear diffrential lock.

البطاريات المزدوجة dual batteries

الغرض من الستعمالها يكون غالبا لثلاجات أو اجهزة اخرى في الكامبنج تعتمد على البطارية. والطريقة هي اضافة بطارية ثانية للتعامل مع الأجهزة الخارجية. وتكتسب أيضا فوائد أخرى في حالات خاصة مثل لو بطارية منهم تلفت أو فضيت، الأخرى تعمل فورا بدون فك وتركيب أو وصلات أسلاك

عموما، ممكن تلخيص الموضوع لنقط قليلة هامة:

  • استخدام بطاريه deep cycle gel في الكبوت او lithium بس في الكابينه
  • تركيب نظام ال dual battery وكل واحد علي قد امكانياته (تقدر تركب ب٤٥ دولار فقط)
  • لو هاتطلع طلعات كبيره يعني ممكن متشغلش العربيه لمده اكتر من ٢٤ ساعه يفضل شراء لوح طاقه شمسيه ومنظم او اي وسيله شحن بديله للدينامو عشان البطاريه متنزلش عن ٥٠% (deep cycle).
  • نعمل كتاوت وعلبه فيوزات غير بتاعه العربيه عشان نحمي الدفيره الاساسيه وبرضوا نامن كل الاكسسوارات من اي قفلات او اعطال ممكن تبوظ حاجتنا.
  • تصميم الدفيره بالاحتياجات الحاليه والاحتياجات المستقبليه عشان تبقي مره واحده وتتعزل كمان ضد الحراره داخل الموتور وبشريط لحام وخرطوم حراري لو هانرجع للكبينه ورا.
  • فكر في كل حاجه حاليا والمستقبل واسس طلباتك واشتري كل حاجه قبل ماتروح للكهربائي عشان ميقفلكش اي حاجه والسلام.

طريقة التركيب

الموضوع سهل. البطارية chloride deep cycle 100 amp متوافرة في مصر (الكتابة في أواخر سنة 2022) عشان مقاساتها تناسب كبوت العربية وتركب مستريحة علي الدفيره اللي ممكن نعملها. نجيب كمان منظم شحن بحوالي ٥٠٠ جنيه من امزون او الهواري في وسط البلد ولوح طاقه شمسيه هاشغلوا فقط عند الكامب اكتر من يوم عشان الشحن زي ماشرحت فوق.

ملحوظه البطاريه ١٠٠ امبير الكلوريد هيا اصغر بطاريه كلوريد بتصنعها في مصر. لو مش عاوز تشتري ١٠٠ امبير في الكبوت ممكن تشتري ليثيم اقل قدره واكيد اقل حجما وتحطها في الشنطه لو انت اصلا مستغني عن الكنبه الورانية. بس في الحاله دي هاتقابلك طريقه شحن البطاريه من الدينامو وتوصيلات dual battery هاتكون صعبه حبتين عشان شحن dc to dc بيبقي محتاج اسلاك محمله وشعر وتستحمل غير ال ac وياريت تبص علي جدول المسافات بين البطاريات وانسب سمك للسلك الواصل بينهم.

يفضل عدم تشغيل التلاجه الا عند الاستخدام في السفر يعني مش لازم اسيبها في العربيه طول السنه. ممكن اشيلها لو مش بطلع صحراء او بعد الموسم. بكده اكون حافظت علي عمر البطاريه عشان متستهلكش علي الفاضي وفي نفس الوقت خفيت العربيه من الحمل الزائد وممكن نستفيد بيها في البيت للتلاجات اللي بتشتغل علي ٢٢٠.

معلومات اضافية:
-البطاريات بتتقاس بعدد الشحن عند الاستهلاك. يعني لو بتستخدم البطاريه يوميا وبتفضي لحد ٥٠% معظم البطاريات بتعيش ١١٠٠ دورة فقط وبتزيد مع قله الاستخدام وبتنقص مع كميه الاستخدام

فيديوهات بتشرح اللي فوق

مشكلة: لا يحتوي نظام ABS على مفتاح إيقاف تلقائي قد يكون ضروريًا في قيادة الوعر على الغرود الرملية

تحذير وشرح خلفية هام جدا

مننصحش أبدا أبدا تحاول تجرب أي حاجة هنا غير لو ناوي تفهم كويس جدا المخاطر والإيجابيات وتكون على دراية بالطرق المناسبة للتعامل معها. تغيير مواصفات أي عربية بيعرضك لالغاء الضمان أو حوادث بسبب لعبك فيها.

دلوقتي كل قائدي الوعر على الغرود عارفين كويس تأثير نظام ABS السئ على السواقة على الرمل. وعشان كده القادة المحترفين بيحتاجوا في بعض الأحيان الغاؤه مؤقتا وهما في الصحراء لكن يجب التعامل معه بحذر شديد عشان هو مربط مع سيستمز تانية ممكن تبوظ لو لغيته.

ABS له تأثير سلبي عند القيادة في الرمل لأن حساساته عادة ما بتخلط بين الانزلاق المسموح على الرمل وبين الانزلاق الخطر على الأسفلت في أي من الإطارات الأربعة للسيارة. فبتفتح بدري جدا من حركاتنا وسواقتنا العادية بملسة ولو خفيفة على الفرامل.

سواقين الوعر بيستعملوا الفرامل بطريقتين:

  1. اللمسات الخفيفة لفرض تحكم على اللعب المتقدم على الغرود. يعني لما بتسوق سيارة دفع رباعي بنظام ABS وتحاول ممارسة التحكم في السرعة (تقليل ولكن بدون توقف) عن طريق الضغط على الفرامل بشكل خفيف لمدة قصيرة ثم الرجوع للبنزين قبل التوقف، فرد الفعل الفوري والعنيف للABS قد يؤدي لإيقاف السيارة تمامًا واخراجها نهائيا عن سيطرتك.
  2. الطريقة التانية لما بنحب نقف في أقصر مسافة. ساعتها بنحتاج للضغط على الفرامل بقوة على السرعات البطيئة أو العالية أثناء القيادة الوعرة عشان العجل كله يقفل (يمتنع عن الدوران نهائيا) ، فالABS بيمنع ده تماما وبيسمح للعجل يفضل يلف وده بيقلل في الرملة مسافات التوقف: العجل المقفول بيوقف العربية اسرع لانه بيحفر في الرمل ويكوم قدامه سد، في حين العجل تحت تأثير الABS بيفضل يدور ويلف ويطول بشكل مخيف مسافة التوقف اللي متعود عليها السائق المحترف من غير ABS.

زي ما احا شايفين. الABS يعتبر (في أفضل حال) انه لا فائدة من وراؤه في القيادة الوعرة، ولكن في بعض الأحوال فهو دوره عكسي ويطول مسافة الفرملة ولا يعطي تحكم من اي نوع مفيد في التوجيه. بالاضافة لكده فالقراءات المضللة لأجهزة الاستشعار المصممة أساسًا للطرق الأسفلتية تعمل فقط بتوقع ان عجلك كله أو على الأقل بعضه له "قوة جر" traction بقيمة عالية مع الأرض.

على سبيل المثال على الغرود لما توصل بالفورتشنر بعجلتينك الاماميين للعرف، بتيجي تسيطر على السرعة لو زايدة شوية بانك تدوس فرامل عشان العربية ما تطيرش. الABS مش حيساعدك في السيطة على السرعة الزايدة لانه سايب العجل بيلف ، وده خطر.

لذلك احنا شايفين ان القادة المحترفين لازم يعرفوا ازاي يوقفوا تشغيل نظام ABS بمجرد الوصول إلى الغرود.

يجب أن يتم ذلك بملاحظة أخيرة مهمة جدا جدا:

يجب ان تعيد تفعيل الABS أول ما توصل للأسفلت. الABS يؤمنك من حوادث كتيرة جدا بسبب ان يحافظ على توجيهك بالدركسيون مهما كان قوة فرملتك. الفورتشنر بالذات مهمة جدا ترجع الABS لما ترجع على الطريق. وأهم حاجة... كلامنا كله هنا فورتشنر فقط، ومش كل التويوتا. اوعى تعامل العربيات زي بعضها.

طرق تعطيل الABS

1. فك فيوز الABS

عملية معقدة ولا تنصح بها تويوتا على الرغم من استخدامها للسيارات الأخرى.

2. افصل الكبس الرئيسي بجانب وحدة ABS المثبتة على الجانب الأيمن بالقرب من بطارية السيارة.

لا تنصح تويوتا بفصل القابس الرئيسي لفترة طويلة ، لأن ذلك قد يتسبب في توقف محرك السيارة عن العمل .

3. افصل كبس حساس ال ABS من أحد العجلات الخلفية.

أشهر طريقة وتعتبر من أسهل الطرق. تحتاج إلى مفتاح مقاس 10 وتنزل تحت العربية (زي الصورة) ورا العجلة الخلفية اليسرى.

تعتتمد هذه الطريقة على ان نظام ABS كله يتوقف من عند الكومبيوتر لانه اعتقد ان الحساس باظ.

تحذير: لازم تتطبب (تستعمل طبة) لسد الفتحة مكان الكبس لتجنب تلويث النظام. ولازم تلف الكبس في كيس محكم الغلق ميتقطعش عشان ميتلوثش أو يبوظ لما تيجي تركبه.

4. افصل كبس الABS الأمامي المثبت على الجانب الأيسر من الرادياتير

الطريقة دي سهلة لو مش عايز تنزل تحت العربية زي الطريقة الثالثة. مع مراعاة انك تتطبب وتكيس عشان النضافة ومتبوظش حاجة في الفك والتركيب. متنساش انك طالع تلعب في تراب ورمل وطين.

Location